malayaalam.com

Malayalam BlogAggregate Classifieds YellowPage Politics News
വലതുപക്ഷം

സ്ത്രീ സംരക്ഷണ നിയമം 2005 പൊതു സംശയങ്ങള്‍

സ്വന്തം ലേഖകൻ
* പ്രായപൂര്‍ത്തിയാകാത്തവര്‍ക്ക് ഈ നിയമത്തിന്റെ പരിരക്ഷ ലഭിക്കുമോ? ലഭിക്കും. ഗാര്‍ഹിക പീഡനത്തില്‍ നിന്നുമുള്ള സ്ത്രീസംരക്ഷണ നിയമ (പിഡബ്യൂഡിവിഎ) ത്തിലെ ഗാര്‍ഹിക ബന്ധങ്ങളുടെ നിര്‍വചനത്തില്‍ പ്രായപൂര്‍ത്തിയാകാത്തവരും ഉള്‍പ്പെടുന്നു. * പ്രായപൂര്‍ത്തിയാകാത്ത ആണ്‍കുട്ടിയ്ക്ക് ഈ നിയമം ആശ്വാസമേകുമോ? പ്രായപൂര്‍ത്തിയാകാത്ത ആണ്‍കുട്ടികള്‍ക്കും, പെണ്‍കുട്ടികള്‍ക്കും വേണ്ടി അമ്മമാര്‍ക്ക് അപേക്ഷ സമര്‍പ്പിക്കാവുന്നതാണ്. അമ്മ തനിക്കു വേണ്ടി സമര്‍പ്പിച്ചിട്ടുള്ള പിഡബ്ല്യൂഡിവിഎ അപേക്ഷയില്‍ കുട്ടികളെ സഹ അപേക്ഷകരായി ചേര്‍ക്കാവുന്നതാണ്. കോടതികള്‍ക്ക് ആവശ്യമെങ്കില്‍ കുട്ടിയെ പ്രതിനിധീകരിക്കാനായി രക്ഷകര്‍ത്താവിനെ ചുമതലപ്പെടുത്താനുമാകും. * ഗാര്‍ഹിക ബന്ധങ്ങളുടെ നിര്‍വചനത്തില്‍ ഉപയോഗിച്ചിരിക്കുന്ന "വിവാഹ സ്വഭാവത്തിലുള്ള ബന്ധങ്ങള്‍" എന്ന പദപ്രയോഗത്തിന്റെ അര്‍ത്ഥമെന്താണ്? നിയമപരമായ വിവാഹം കഴിക്കാത്തതും, സമൂഹത്തിനു മുന്‍പില്‍ പങ്കാളികളായി തുടരുകയും, നീണ്ടുനില്‍ക്കുന്ന ബന്ധം പുലര്‍ത്തുന്നവരുമായ കക്ഷികള്‍ക്കിടയിലെ ബന്ധം സൂചിപ്പിക്കാനാണ് "വിവാഹ സ്വഭാവത്തിലുള്ള ബന്ധങ്ങള്‍" എന്ന പദപ്രയോഗം നടത്തുന്നത്. പൊതുവായ പേര്, റേഷന്‍ കാര്‍ഡ്, ഒരേ മേല്‍വിലാസം എന്നിവ അത്തരം ബന്ധങ്ങള്‍ക്കുള്ള തെളിവായി കണക്കാക്കുന്നു. ദക്ഷിണാഫ്രിക്കന്‍ ഹൈക്കോടതി എതെല്‍ റോബിന്‍സണ്‍ വിമന്‍സ് ലീഗല്‍ സെന്റര്‍ ട്രസ്റ്റ്, റിച്ചാഡ് ഗോര്‍ഡന്‍ വോള്‍ക്കാസ് തുടങ്ങിയവര്‍ തമ്മിലുള്ള കേസില്‍ ഒരു ബന്ധം വിവാഹത്തിന്റെ രീതിയിലുള്ളതായി കണക്കാക്കാമോ എന്ന തീരുമാനത്തിലെത്താന്‍ താഴെ പറയുന്ന കാര്യങ്ങള്‍ പരിഗണിച്ചിരുന്നു. ഗാര്‍ഹിക കാര്യങ്ങള്‍ പങ്കുവയ്ക്കുന്നതില്‍ ഇരുകക്ഷികള്‍ക്കുമിടയില്‍ നിലനില്‍ക്കുന്ന പ്രതിജ്ഞാബദ്ധത സാരമായ കാലയളവില്‍ ഇരുവരും പങ്കാളികളായി ജീവിച്ചുവെന്നത് ഇരുവര്‍ക്കുമിടയിലെ സാമ്പത്തികമുള്‍പ്പെടെയുള്ള കാര്യങ്ങളിലെ ആശ്രിതത്വവും, ഗാര്‍ഹിക സമ്പദ്-ക്രമീകരണവും പ്രസ്തുത ബന്ധത്തിലുണ്ടായ കുട്ടികള്‍ ഗാര്‍ഹിക കാര്യങ്ങളിലും, കുട്ടികളുടെ സംരക്ഷണത്തിലുമുള്ള പങ്കാളികളുടെ പങ്ക് ഇന്ത്യയില്‍ നടന്ന ബാദ്രിപ്രസാദ് (എഐആര്‍ 1978, എസ്‌സി 1557) കേസില്‍ പങ്കാളികള്‍ ദീര്‍ഘകാലം ഭാര്യാ-ഭര്‍ത്താക്കന്മാരായി ജീവിച്ചുവെന്നത് വിവാഹ ബന്ധത്തിന്റെ രീതിയിലുള്ള ബന്ധമായി അനുമാനിക്കാനുള്ള ശക്തമായ കാരണമാണെന്ന് സുപ്രീം കോടതി പറഞ്ഞു. സുമിത്ര ദേവി (1985) (1 എസ്‌സിസി 637) കേസിലും കക്ഷികള്‍ എത്രകാലം ഒരുമിച്ച് ജീവിച്ചുവെന്നതും, സമൂഹം അവരെ ഭാര്യാ-ഭര്‍ത്താക്കാന്മാരായി അംഗീകരിച്ചിരുന്നോ എന്നതും ബന്ധം വിവാഹത്തിന്റെ രീതിയിലുള്ളതാണോ എന്ന് തീരുമാനിക്കുന്നതിനുള്ള പ്രസക്ത വിവരങ്ങളായി കണക്കാക്കണമെന്ന് സുപ്രീം കോടതി പറഞ്ഞു. ഇതനുസരിച്ച്, നിയമസാധുതയില്ലാത്ത വിവാഹത്തില്‍ ഏര്‍പ്പെട്ടിരിക്കുകയും, അതൊഴികെ മറ്റ് മാനദണ്ഡങ്ങള്‍ പാലിക്കുകയും ചെയ്യുന്നവരോ, വിവാഹം കൂടാതെ ദാമ്പത്യബന്ധത്തില്‍ ഏര്‍പ്പെട്ടിരിക്കുന്നവരോ, നാട്ടുനടപ്പനുസരിച്ച് വിവാഹം ചെയ്ത് വര്‍ഷങ്ങളായി സഹവസിക്കുകയും, സമൂഹത്തിനു മുന്നില്‍ ഭാര്യാ ഭര്‍ത്താക്കന്മാരായി ജീവിക്കുകയും ചെയ്യുന്നവരോ ആയ സ്ത്രീകളെ "വിവാഹ ബന്ധത്തിന്റെ രീതിയിലുള്ള ബന്ധ"ത്തിലേര്‍പ്പെട്ടവരായി കണക്കാക്കാം. * "വിവാഹ സ്വഭാവത്തിലുള്ള ബന്ധം" എന്ന പദപ്രയോഗം വിവാഹത്തിന് തുല്യമായി കണക്കാക്കാനാകുമോ? ഒരു കുടുംബത്തില്‍ സഹോദരിമാരോ, അമ്മമാരോ, ഭാര്യമാരോ, പങ്കാളികളോ ആയി ജീവിക്കുന്ന സ്ത്രീകളെ ഗാര്‍ഹിക പീഡനത്തില്‍ നിന്നും സംരക്ഷിക്കുന്നതിനുള്ളതാണീ നിയമം. സംരക്ഷണം നല്‍കുന്നതില്‍ വിവാഹിതയാണോ, അവിവാഹിതയാണോ എന്ന വ്യത്യാസം നിയമം കാണിക്കുന്നില്ല. എന്നാല്‍ നിയമസാധുതയില്ലാത്ത വിവാഹത്തിന് നിയമസാധുതയുണ്ടന്ന് നിയമത്തില്‍ പറയുന്നില്ല. ഗാര്‍ഹിക പീഡനത്തില്‍ നിന്നുള്ള സംരക്ഷണം, പങ്കു വയ്ക്കപ്പെട്ടിരുന്ന കുടുംബസംവിധാനത്തില്‍ ജീവിക്കാനുള്ള അവകാശം, കുട്ടികളുടെ താത്കാലിക കസ്റ്റഡി എന്നിവ നിയമത്തിലൂടെ ഉറപ്പാക്കാനാകും. എന്നാല്‍ പുരുഷ പങ്കാളിയുടെ സ്വത്തിലുള്ള അവകാശം, കുട്ടികളുടെ നിയമസാധുത എന്നിവ തീരുമാനിക്കുന്നത് രാജ്യത്ത് നിലവിലുള്ള നിയമമാണ്. * ആര്‍ക്കൊക്കെ എതിരെ പരാതി നല്‍കാം? ഗാര്‍ഹിക പീഡനം നടത്തിയ പ്രായപൂര്‍ത്തിയായ പുരുഷനെതിരെ സ്ത്രീയ്ക്ക് പരാതി നല്‍കാം. ഭര്‍ത്താവിന്റെയോ, പുരുഷ പങ്കാളിയുടേയോ സ്ത്രീകളോ, പുരുഷന്മാരോ ആയ ബന്ധുക്കള്‍ക്കെതിരെയും അവര്‍ പീഡിപ്പിച്ചിട്ടുണ്ടെങ്കില്‍ പരാതി നല്‍കാവുന്നതാണ്. പിഡബ്ല്യൂഡിവി നിയമത്തിന്റെ 2(ക്യൂ) വകുപ്പില്‍, ഇന്ത്യന്‍ ശിക്ഷാ നിയമത്തിലെ 498 എ വകുപ്പ് പ്രകാരം ഭര്‍ത്താവിന്റെ സ്ത്രീകളോ, പുരുഷന്മാരോ ആയ ബന്ധുക്കളെ നിയമനടപടിക്ക് വിധേയരാക്കാമെന്ന് പറയുന്നു. * ആരൊക്കെയാണ് 2(ക്യൂ) വകുപ്പില്‍ പെടുന്ന ബന്ധുക്കള്‍? പിഡബ്ല്യൂഡിവി നിയമത്തില്‍ ബന്ധുക്കളെ നിര്‍വചിച്ചിട്ടില്ല. അതിനാല്‍ സാധാരണയുള്ള അര്‍ത്ഥം തന്നെയാണിവിടെയും ബാധകം. പ്രതിയുടെ അച്ഛന്‍, അമ്മ, സഹോദരന്‍, സഹോദരി, അമ്മാവന്‍ എന്നിവരെ ബന്ധുക്കളായി കണക്കാക്കാം. ഇന്ത്യന്‍ ശിക്ഷാ നിയമത്തിന്റെ 498എ വകുപ്പിലും ബന്ധുക്കളെ നിര്‍വചിച്ചിട്ടില്ലാത്തതിനാല്‍ ബന്ധുക്കളില്‍ സ്ത്രീകളും ഉള്‍പ്പെട്ടിരിക്കുന്നു. * ഭാര്യയ്ക്ക് ഭര്‍ത്താവിന്റെ സ്ത്രീകളായ ബന്ധുക്കള്‍ക്കെതിരായി പരാതി നല്‍കാനാകുമോ? കഴിയും. ഭര്‍ത്താവിന്റെ സ്ത്രീകളായ ബന്ധുക്കളില്‍ നിന്നും നിയമത്തിലൂടെ സംരക്ഷണം ലഭിക്കും. എന്നാല്‍ സ്ത്രീകളായ ബന്ധുക്കള്‍ കുടുംബത്തില്‍ പ്രവേശിക്കുന്നത് തടയാന്‍ സാധിക്കില്ല. ഇന്ത്യന്‍ ശിക്ഷാ നിയമത്തിന്റെ 125-ാം വകുപ്പില്‍ ഉള്‍പ്പെട്ടിരിക്കുന്നവരില്‍ നിന്നു മാത്രമാണ് ജീവനാംശം ലഭിക്കുക. * ഭര്‍ത്താവിന്റെ അമ്മയ്ക്ക്, മരുമകള്‍ക്കെതിരായി പരാതി നല്‍കാനാകുമോ? സാധിക്കില്ല. നിയമത്തിന്റെ 2(ക്യു) വകുപ്പനുസരിച്ച് ഭര്‍ത്താവിന്റെ അമ്മയ്ക്ക്, മരുമകള്‍ക്കെതിരായി പരാതി നല്‍കാന്‍ സാധിക്കില്ല. എന്നാല്‍ മകനില്‍ നിന്നും, മരുമകളില്‍ നിന്നും പീഡനം നേരിടുന്ന സാഹചര്യത്തില്‍ മകനെതിരെ പീഡിപ്പിച്ചുവെന്ന പരാതി നല്‍കുകയും, മരുമകള്‍ക്കെതിരെ പീഡനത്തിനായി മകനെ പ്രേരിപ്പിച്ചുവെന്ന പരാതി നല്‍കുകയുമാകാം. എന്നാല്‍ മരുമകളെ കുടുംബത്തില്‍ നിന്നും മാറ്റി നിര്‍ത്തണമെന്ന് ആവശ്യപ്പെടാന്‍ സാധിക്കില്ല. * ഗാര്‍ഹിക സംഭവ റിപ്പോര്‍ട്ട് (ഡിഐആര്‍) എന്നാലെന്ത്? പിഡബ്ല്യൂഡിവി നിയമത്തിന്റെ ഫാറം-1 ല്‍ ഡിഐആറിന്റെ മാതൃക നല്‍കിയിട്ടുണ്ട്. ഗാര്‍ഹിക പീഡനത്തിനിരയായ സ്ത്രീ ബന്ധപ്പെട്ട ഉദ്യോഗസ്ഥര്‍ക്ക് മുമ്പാകെ നല്‍കുന്ന പരാതി രേഖപ്പെടുത്തുന്നതിനാണ് ഡിഐആര്‍ ഉപയോഗിക്കുന്നത്. ഡിഐആര്‍ പൂരിപ്പിച്ച ഉദ്യോഗസ്ഥന്‍ അതില്‍ ഒപ്പു രേഖപ്പെടുത്തേണ്ടതാണ്. ഡിഐആര്‍ ഒരു പൊതുരേഖയാണ്. * എങ്ങനെയാണ് ഡിഐആര്‍ രേഖപ്പെടുത്തേണ്ടത്? പക്ഷപാതരഹിതമായാകണം പരാതി രേഖപ്പെടുത്തേണ്ടത്. പീഡനത്തിനിരയായ സ്ത്രീയ്ക്ക് സംഭവങ്ങള്‍ വിവരിക്കുന്നതിന് കഴിയുന്നില്ലയെങ്കില്‍, സംരക്ഷണ ഉദ്യോഗസ്ഥന്‍ പല തവണകളിലായി വിവരങ്ങള്‍ നല്‍കാനായി പരാതിക്കാരിക്ക് അവസരം നല്‍കണം. വിവരങ്ങള്‍ നല്‍കാനായി പരാതിക്കാരി നടത്തിയ സന്ദര്‍ശനങ്ങളെക്കുറിച്ച് ഉദ്യോഗസ്ഥന്‍ തന്റെ ഡയറിയില്‍ രേഖപ്പെടുത്തണം. * ഡിഐആര്‍ രേഖപ്പെടുത്തിയ ശേഷം എന്ത് ചെയ്യണം? സംരക്ഷണ ഉദ്യോഗസ്ഥന്‍ ഡിഐആര്‍ മജിസ്‌ട്രേട്ടിന് മുമ്പാകെ എത്തിക്കണം. ഡിഐആറിന്റെ ഒരു പകര്‍പ്പ് ബന്ധപ്പെട്ട പോലീസ് ഉദ്യോഗസ്ഥനും കൈമാറണം. മറ്റ് സേവന ദാതാക്കളാണ് ഡിഐആര്‍ രേഖപ്പെടുത്തുന്നതെങ്കില്‍ പീഡനത്തിനിരയായ സ്ത്രീയുടെ താത്പര്യ പ്രകാരം സംരക്ഷണ ഉദ്യോഗസ്ഥനും, മജിസ്‌ട്രേട്ടിനും ഡിഐആര്‍ എത്തിക്കേണ്ടതാണ്. * ഡിഐആര്‍ ലഭിച്ചാല്‍ മജിസ്‌ട്രേട്ട് എന്ത് ചെയ്യണം? ഡിഐആര്‍ ഒരു രേഖയായി മജിസ്‌ട്രേട്ട് സൂക്ഷിക്കണം. പീഡനത്തിനിരയായ സ്ത്രീ നേരിട്ടോ, സംരക്ഷണ ഉദ്യോഗസ്ഥന്റെ സഹായത്തോടെയോ നല്‍കുന്ന പരാതി പ്രകാരമുള്ള കേസുകളില്‍ ഡിഐആര്‍ ഉപയോഗിക്കാവുന്നതാണ്. * പീഡനത്തിനിരയായ സ്ത്രീയ്‌ക്കോ, അവരുടെ അഭിഭാഷകര്‍ക്കോ ഡിഐആര്‍ ഫയല്‍ ചെയ്യാനാകുമോ? സാധിക്കില്ല. സംരക്ഷണ ഉദ്യോഗസ്ഥര്‍ക്കോ, രജിസ്റ്റര്‍ ചെയ്ത സേവന ദാതാക്കള്‍ക്കോ മാത്രമേ ഡിഐആര്‍ പൂരിപ്പിക്കാനാകൂ. ഡിഐആര്‍ ഒരു പൊതു രേഖയായതിനാല്‍, ബന്ധപ്പെട്ട ഉദ്യോഗസ്ഥര്‍ക്ക് മാത്രമാണ് അത് പൂരിപ്പിക്കാന്‍ അധികാരമുള്ളത്. * പീഡനത്തിനിരയായ സ്ത്രീയ്ക്ക് ഡിഐആര്‍ കൂടാതെ പരാതി നല്‍കാനാകുമോ? സാധിക്കും. * പീഡനത്തിനിരയായ സ്ത്രീ നേരിട്ട് നല്‍കുന്ന പരാതിയില്‍ കേസ് ഫയല്‍ ചെയ്ത ശേഷം മജിസ്‌ട്രേട്ടിന് ഡിഐആര്‍ ആവശ്യപ്പെടാനാകുമോ? കേസ് ഫയല്‍ ചെയ്ത ശേഷം ഡിഐആര്‍ ന്റെ ആവശ്യം വരുന്നില്ല. മജിസ്‌ട്രേട്ടിന് സംരക്ഷണ ഉദ്യോഗസ്ഥനോട് ഗൃഹ സന്ദര്‍ശനം നടത്താനോ, മറ്റ് റിപ്പോര്‍ട്ടുകള്‍ തയ്യാറാക്കാനോ ആവശ്യപ്പെടാവുന്നതാണ്. * ഡിഐആര്‍ തയ്യാറാക്കാനായി സംരക്ഷണ ഉദ്യോഗസ്ഥന് ഗൃഹ സന്ദര്‍ശനം നടത്താനാകുമോ? ഇല്ല. കോടതി ഉത്തരവ് കൂടാതെ സംരക്ഷണ ഉദ്യോഗസ്ഥന്‍ ഗൃഹ സന്ദര്‍ശനം നടത്താന്‍ പാടില്ല. *

വിഷയവിവരം


വലതുപക്ഷം
നിഷ്‌പക്ഷം
ഇടതുപക്ഷം
മതപക്ഷം
യുവപക്ഷം
ദളിതപക്ഷം
സ്ത്രീപക്ഷം