malayaalam.com

Malayalam BlogAggregate Classifieds YellowPage Politics News
കവിത

ഇങ്ങനെയും ചിലര്‍

ശ്രീദേവി നായർ
എന്നോ മറന്ന സാഹോദര്യത്തിന്റെ
മുറിപ്പാടുകളുമായവന്‍ വന്നു.
മതിഭ്രമം വന്ന അവന്റെ നെറുകയില്‍
നന്ദികേടിന്റെ കുറ്റബോധം വിയര്‍പ്പുമണി
കളായ് ഒഴുകുന്നുണ്ടായിരുന്നു.

ഏതോ അദൃശ്യശക്തിയുടെ കരലാളനകളാല്‍
ഒരിക്കലും മറച്ചുവയ്ക്കാന്‍ കഴിയാത്ത വിധം
അവന്റെ മുഖം വിളറിവെളുത്തിരുന്നു.
ഭീതിയിലാഴ്ന്നിരുന്നു.

ഭൂതകാലത്തിന്റെ അസ്ഥിരതയ്ക്കുള്ളില്‍
മറഞ്ഞിരുന്ന നോവുകള്‍,
പാലായനത്തിന്റെ പരിരംഭണത്താല്‍
പാദമുദ്രസമര്‍പ്പിക്കട്ട പാതയിലെ മണല്‍ത്തരികള്‍ ,
ഇവയെല്ലാംഭാവിയിലെ ഓര്‍മ്മക്കുറിപ്പുകളായ്
അവനെ വേട്ടയാടപ്പെടുമെന്ന്

അറിയാതെയുള്ളപ്രയാണങ്ങള്‍,

ഇടയ്ക്കെവിടെയോ ബുദ്ധിമാന്റെ വേഷം കെട്ടലില്‍ ,
ബഹുമാനം നേടിയെടുക്കാനുള്ള വൃഥാശ്രമങ്ങള്‍
ഭാവിയുടെ സങ്കീര്‍ണ്ണതയ്ക്കുള്ളില്‍
ഭൂതവും വര്‍ത്തമാനവും ഒരിക്കലെങ്കിലും
കുരുക്കകളായ് തലയ്ക്കുമേല്‍ വീഴുമെന്ന്
അറിയാതെയുള്ള ഭാവപ്രകടങ്ങള്‍

കര്‍മ്മവാസനകള്‍ കുത്തിനിറച്ച ചുമടും പേറി
വിധിയെ തോല്‍പ്പിക്കാന്‍അവന്‍
പാഴ് ശ്രമം നടത്തുമ്പോഴും
നാളെയുടെ ഭീതിയും,ഇന്നലെയുടെ നിശ്ചലതയും,
ഇന്നത്തെ ഉറക്കം കെടുത്തിക്കൊണ്ടേയിരുന്നു.

*

ശബ്ദരേഖ (Audio)

വിഷയവിവരം


ഫീച്ചര്‍
അനുഭവം
അഭിമുഖം
എന്റെ കേരളം
കഥ
കഥകളി
കവിത
കായികം
കോടതിക്കഥകള്‍
കൗതുകം
ചലച്ചിത്രം
നർമ്മം
നിയമം
പട്ടാളക്കഥകള്‍
പ്രവാസം
പുസ്തകലോകം
പാചകം
മിനിക്കഥ
മിനികവിത
മീഡിയ
യാത്രാവിവരണം
ലേഖനം
വർത്തമാനം
വാണിജ്യം
വിവര്‍ത്തനം
ശാസ്ത്രം
സംഗീതം
സംസ്കാരികം
സാങ്കേതിക വിദ്യ
കുടുംബപംക്തി
കാർട്ടൂൺ
നിങ്ങളുടെ കത്തുകൾ
നിരൂപണം
പ്രത്യേകപംക്തി
മുഖപ്രസംഗം
സ്ഥിരപംക്തി
നോവൽ
ബാലപംക്തി
ആത്മീയം
ചിത്രരചന